Sansar News
काठमाडौं । नेपालमा पछिल्लो २४ घण्टामा ३८८ जनामा कोरोना संक्रमण पुष्टि भएको छ । आज देशैभरी गरिएको ८ हजार १४० नमुना परीक्षणमा ३८८ जनामा कोरोना संक्रमण पुष्टि भएको हो ।
नेपालमा आज थपिएका २६२ जनासँगै हालसम्म कोरोनाबाट संक्रमित हुनेको संख्या ९ लाख ७५ हजार ९४७ पुगेको छ । कूल संक्रमित मध्ये आज निको भएका १२०८ जनासँगै संक्रमणबाट मुक्त हुनेको संख्या ९ लाख ५२ हजार ५९९ पुगेको छ ।
त्यसैगरी पछिल्लो २४ घण्टामा ४ कोरोना संक्रमितले ज्यान गुमाएका छन् । आज थपिएका ४ जनासँगै नेपालमा हालसम्म संक्रमणबाट ज्यान गुमाउनेको संख्या ११ हजार ९२५ पुगेको छ ।
हाल नेपालमा ११ हजार २८२ जना सक्रिय संक्रमित रहेका छन् । ती मध्ये १० हजार ८१९ जना होम आइसोलेशन र ४६३ जना संस्थागत आइसोलेशनमा रहेका छन् । साथै १३९ जनाको आइसीयु र १९ जनाको भेन्टिलेटरमा उपचार भइरहेको पनि मन्त्रालयले जनाएको छ । आज आइसीयु र भेन्टिलेटरमा उपचार गराउनेको संख्या केही बढेको छ ।
नेपालमा थप ८ लाख ७३ हजार ४३८ जनाले कोरोनाविरुद्धको खोप लगाएको मन्त्रालयले जनाएको छ । मन्त्रालयका अनुसार नेपालमा हालसम्म ३ करोड ७७ लाख ५५ हजार ४२७ मात्रा कोरोना भाइरसविरुद्धको खोप लगाइएको छ ।
उक्त खोपको पहिलोमात्रा लगाउनेको संख्या १ करोड ८३ लाख ६५ हजार ६५२ र पूर्णमात्रा लगाउनेको संख्या १ करोड ८४ लाख ९७ हजार ६८९ रहेको छ । साथै ९ लाख ६ हजार ५३३ जनाले अतिरिक्त मात्राको खोप लगाएका छन् ।
वि.सं.२०७८ फागुन ९ सोमवार १६:३९ मा प्रकाशित
