हामी सबैकाे संसारन्यूज

१० फागुन, काठमाडौँ । आइसिसी टी-२० विश्वकप ग्लोबल छनोट अन्तर्गतको यूएई विरुद्धको सेमिफाइनल खेलमा नेपालले ६८ रनले पराजित भएको छ ।

टस जितेर पहिले ब्याटिङ्ग गरेको यूएईले २० ओभरमा ७ विकेट गुमाएर १७५ रन बनाएको थियो । युएईका लागि ब्याटिङ्गमा मोहम्मद वसीमले ४८ बलमा ७० रनको विस्फोटक पारी खेलेका थिए । त्यसैगरी वृत्य अरविन्दले २३ बलमा ४६ रनको पारी खेलेका थिए । नेपालका लागि बलिङ्गमा जितेन्द्र मुखिया र अविनाश बोहराले सर्वाधिक ३र३ विकेट हात पारेका थिए ।

१७६ रनको लक्ष्य पछाएको नेपालले पुरै २० ओभर पनि ब्याटिङ्ग गर्न सकेन । नेपाली टिम १८.४ ओभरमा १०७ रन बनाएर अलआउट हुन पुगेको थियो । नेपालका लागि ब्याटिङ्ग दिपेन्द्र सिंह ऐरीले सर्वाधिक ३८ रन बनाएका थिए । युएईका लागि अहमद रजाले उत्कृष्ट बलिङ्ग गर्दै सर्वाधिक ५ विकेट हात पारेका थिए ।

जितसँगै युएईले आइसिसी टी–२० विश्वकप क्रिकेट प्रतियोगितामा स्थान सुरक्षित गरेको छ भने नेपालको विश्वकप खेल्ने सपना चकनाचुर भएको छ ।