हामी सबैकाे संसारन्यूज

११ फागुन, काठमाडौँ । साताको चौथो दिन बुधबार सेयर बजार (नेप्से) मा दोहोरो अकंको गिरावट आएको छ । आज नेप्से १९ दशमलव ६३ अकंले घटेर समग्र परिसूचक २७१६ दशमलव २९ बिन्दुमा पुगेको छ । ठूला कम्पनीहरुकोे कारोबार मापक सेन्सेटिभ पनि ५ दशमलब ७३ अकंले घटेर ५१७ दशमलब ४२ बिन्दुमा पुगेको छ ।

आज कुल सूचिकृतमध्ये २२८ कम्पनीका ३ अर्ब ४ करोड ३२ लाख ४४ हजार ३०४ रुपैंयाँ बराबरका ६१ लाख २ हजार १२८ कित्ता सेयर किनबेच भएको छ । तिनको कारोबारमा ४७ हजार ६ सय ६१ पटक लेनदेन भएको छ ।

कारोबार रकमको आधारमा नेपाल टेलिकम, घलेम्दी हाईड्रोपावर, हिमालयन डिष्टिलरी, नेशनल हाईड्रोपावर, अपी पावर लगायतका कम्पनीहरु शिर्ष स्थानमा रहे भने कारोबार संख्याको आधारमा घलेम्दी हाईड्रोपावर, एचआईडिसिएल, नेशनल हाईड्रोपावर, आँखु खोला जलविद्यृत, सानिमा माई हाईड्रोपावर लगायतका कम्पनीहरु शिर्ष स्थानमा रहे ।

आज सबैभन्दा धेरै कमाउनेमा दिव्यश्वरी हाइड्रोपावर, युनाईटेड इदी मार्दी एण्ड आर.बि हाईड्रोपावर, घलेम्दी हाईड्रोपावर, तेह्रंथुम पावर कम्पनी, रुरु जलविद्यृत लगायतका कम्पनीका लगनीकर्ताहरु परेका छन । त्यसैगरी आज सबै भन्दा धेरै गुमाउनेमा भने नेपाल फाइनान्स, सर्पोट माइक्रोफाइनान्स, गुराँस लघुवित्त, एभरेष्ट बैक, गोर्खाज फाइनान्स लगायतका कम्पनीका लगानीकर्ताहरु परेका छन ।