हामी सबैकाे संसारन्यूज

काठमाडौं । रुसले यूक्रनेमाथि आक्रमण शुरु गरेको छ । रुसी राष्ट्रपति भ्लादिमीर पुटिनको घोषणासँगै रुसी सेनाले बिहीबार बिहानदेखि यूक्रेनमाथि आक्रमण शुरु गरेको हो ।

यूक्रेनी सरकारी अधिकारीलाई उल्लेख गर्दै अन्तराष्ट्रिय सञ्चार माध्यमले जनाएअनुसार रुसी आक्रमणमा परि हालसम्म ८ जना यूक्रेनी नागरिकको मृत्यु भएको छ । यूक्रेनी अधिकारीहरुले रुसले आक्रमण गरेका स्थानको अवस्था यकिन नभएको कारण थप मृत्युको खबर आउनसक्ने बताएका छन् ।

कतिपय सैन्य अड्डा सम्पर्क बिहीन अवस्थामा भएको कारण मृत्युको संख्या बढ्न सक्ने बताइएको छ ।

यसैबीच, यूक्रेनले ६ रुसी फाइटर खसालेको दाबी गरेको छ । आफ्नो सुरक्षा क्षेत्रभित्र प्रवेश गरेका रुसी फाइटरलाई खसालेको यूक्रेनी सेनाका अधिकारीले बताएका छन् । तथापी यकिनपूर्वक भन्न सकिने अवस्था नरहेको सञ्चार माध्यमले जनाएका छन् ।

यूक्रेनको पूर्वी क्षेत्र रुसद्धारा कब्जा

सञ्चार माध्यमले जनाएअनुसार रुसले यूक्रेनको पूर्वी क्षेत्रका कयौं क्षेत्र कब्जामा लिएको छ । शहरबाट फायर खोलेको रुसले गाउँमा शिलशिलेबार कब्जा जमाएको छ।

सञ्चार माध्यमले जनाएअनुसार रुसले तीन तर्फबाट यूक्रनेमाथि आक्रमण गरिरहेको छ ।

सम्बन्धित समाचार

यूक्रेनमाथि रूसले खोल्यो ‘फायर’, एकै पटक थुप्रै सैन्य अड्डामा क्षेप्यास्त्र प्रहार

पुटिनले घोषणा गरेको ५ मिनेटमै यूक्रेनमाथि १२ मिसाइल