Sansar News
काठमाडौं । नेकपा (माओवादी केन्द्र) का नेता नारायणकाजी श्रेष्ठले आजको दिनलाई आम देशभक्त जनताले कालो दिनका रुपमा लिने बताएका छन् ।
१२ बुँदे ‘व्याख्यात्मक घोषणा’ सहित सदनबाट एमसीसी अनुमोदन भएपछि नेता श्रेष्ठले व्याख्यात्मक घोषणाको सुनियोजित भ्रम छर्दै एमसीसी सम्झौता संसदबाट अनुमोदन गराइ छाडेको टिप्पणी गरेका हुन् ।
‘अन्तत ब्यख्यात्मक घोषणाको सुनियोजित भ्रम छर्दै आज राष्ट्रघाती एमसिसि सम्झौता संसदबाट अनुमोदन गराई छाडे ।’ नेता श्रेष्ठले सामाजिक संजालमा लेखेका छन्, ‘आम देशभक्त नेपाली जनताले यसलाई कालो दिनको रुपमा लिनेछन् । सम्पुर्ण देशभक्त शक्तिहरु एकताबध्द होऔं र नेपालको राष्ट्रिय सार्वभौमिकता, स्वाधीनता र हितको संघर्षलाई निरन्तर जारी राखौं ।’
वि.सं.२०७८ फागुन १५ आइतवार २२:११ मा प्रकाशित
