Sansar News
काठमाडौं । रुस–यूक्रेन युद्धमा क्रमशः छिमेकी देशहरु पनि सहभागी हुन थालेका छन् । बेलारुसले रुसी सेनालाई सहयोग गर्ने घोषणा गरे लगत्तै लातवियाले यूक्रेनी सेनालाई सहयोग गर्ने घोषणा गरेको छ ।
अन्तराष्ट्रिय सञ्चार माध्यमका अनुसार लातवियाको संसदले यूक्रेनलाई सेना नै पठाएर सहयोगको घोषणा गरेको हो । लातवियाको संसदले रुसको विरुद्व लड्न चाहने नागरिकलाई जान दिने पनि प्रस्ताव संसदबाट पारित गरेको छ ।
अहिले यूक्रेनभित्र रुसी सेना र यूक्रेनी सेनाबीच लडाईँ जारी छ । रुसले यूक्रेनमाथि आक्रमण गरेसँगै दुवै देशका छिमेकी देशहरु क्रमशः पक्ष/विपक्षमा खुल्न थालेका छन् ।
दुई देशबीचको युद्धमा रुसी प्रताडनमा परेका देशहरु यूक्रेनको पक्षमा उभिन थालेका छन् भने नेटो विरोधी देशहरु रुसको पक्षमा उभिन थालेका छन् ।
यसैबीच, नेटोले रुसविरुद्व लड्न ठूलो मात्रामा हतियार दिने भएको छ । नेटोले तत्कालको लागि आवश्यकताअनुसारको हतियार उपलब्ध गराउने निर्णय गरेको हो ।
सम्बन्धित समाचार
रुस–यूक्रेन युद्ध खतरनाक मोडमा, पुटिनको सन्देशले विश्वभरि बढ्यो त्रास
वि.सं.२०७८ फागुन १६ सोमवार १४:१२ मा प्रकाशित
