हामी सबैकाे संसारन्यूज

काठमाडौं । पुष्पलाल अध्ययन समाजले आइतवार संसदबाट अनुमोदन भएको अमेरिकी सहयोग परियोजना एमसीसी सम्झौताको खारेजीको माग गरेको छ ।

समाजले सोमबार माइतीघर मण्डलामा एक विरोध कार्यक्रम गर्दै नेपालको सार्वभौमिकता र अखण्डतामा आँच पुर्याउने भन्दै अमेरिकी परियोजना एमसीसीको सम्झौता खारेजीको माग गरेको हो ।

अध्ययन समाजका अध्यक्ष लोककृष्ण भट्टराईले अर्थमन्त्रालयले अनुमति दिए हुने एमसीसी परियोजना प्रतिनिधिसभाबाट पास गरेर दलहरुले गल्ति गरेको बताउँदै नेपाली जनताले उनीहरुलाई माफ नगर्ने बताए । भट्टराईले यो प्रदर्शन सांकेतिक भएको र यो झिल्कोले देशभरी आन्दोलनको आगो लगाउने चेतावनी समेत दिए ।

पुष्पलाल अध्ययन समाजका महासचिव सुरेश कार्की, उपमहासचिव मुकुन्द आचार्य, हरिहर खरेल, सचिव एकलाल श्रेष्ठ, निलकण्ठ तिवारी, भरत गौतम, कोषाध्यक्ष श्रीहरि श्रेष्ठ, सलाहकार धनन्जय खनाल र कौशल अधिकारी, सदस्यहरु राजन तिमिल्सीना, सावित्री भट्टराई, चन्दा थापा, शेखर भट्टराई तथा बाबुराम श्रेष्ठ कृष्णराम मगराती, नविना खड्का, भरत गौतम, पुर्ण बहादुर (गोकुल) खड्का, सरस्वती खड्का, खेम लावती, शुकराम लामा, मोति प्रसाद खतिवडा, वयोवृद्ध मोहनसिंह बम दार्चुला लगायतको उपस्थिति रहेको थियो ।