हामी सबैकाे संसारन्यूज

काठमाडौं । रुसले यूक्रेनको महत्वपूर्णं खेर्सोन सहर कब्जा गरेको छ । मंगलबार मध्यराति रुसी सेनाले यूक्रेनी सेनालाई विस्थापित गर्दै खेर्सोन कब्जा गरेको हो ।

सञ्चारमाध्यमका अनुसार रुसले अहिलेसम्म कब्जामा लिएको मध्ये खेर्सोन सबैभन्दा ठूलो सहर हो । सहर कब्जा लिएसँगै अहिले सडकहरूमा रुसी सैनिकहरू मात्रै देखिएको बीबीसीले जनाएको छ ।

खेर्सोनका नगरप्रमुखले पनि रुसी सेनाले सहरको रेल स्टेशन र बन्दरगाह आफ्नो नियन्त्रणमा लिएको पुष्टि गरेका छन् ।

सञ्चार माध्यमका अनुसार खेर्सोन सहर कब्जा गरे लगत्तै रुसी सेनाले त्यहिँबाटै कीभमाथि मिसाइल आक्रमण गरेको थियो । यहुदीहरूको नरसंहारको सम्झनामा निर्माण गरिएको बेबिन यार होलोकास्ट मेमोरियल सेन्टरमा पनि रुसले हवाई आक्रमण गरेको बताइएको छ ।

रुसलाई एक्ल्याउँदै विश्व

यूक्रेनमाथि रुसले शुरु गरेको युद्धप्रति चौतर्फी विरोध तथा आलोचना भइरहेको छ । विशेषत अमेरिकी पक्षधर मुलुकहरुले रुसलाई असहयोगको नीति अख्तियार गरेका छन् ।

रुसी विदेशमन्त्री सर्गेई लाभरोभले मंगलबार राष्ट्रसंघ मानवअधिकार परिषद्मा बोल्न थालेपछि करिब १०० कूटनीतिज्ञ बाहिरिएका थिए । कूटनीतिज्ञ बाहिरिएसँगै लाभरोभको सम्बोधन अर्थहिन बनेको थियो ।

सम्बन्धित समाचार

बंकरबाटै युक्रेनी राष्ट्रपतिको अन्तर्वार्ताः बाइडेनले अब ठूलो निर्णय लिनुपर्छ