हामी सबैकाे संसारन्यूज

काठमाडौं । ओमान सरकारले कोरोना भाइरसविरुद्धको प्रावधान केही खुकुलो बनाएको छ । यसअघि ओमान प्रवेश गर्ने नागरिकहरुले ७२ घण्टे पिसीआर परीक्षण गरेको प्रमाणपत्र बोक्नु नपर्ने भएको छ ।

नेपाली दूतावास ओमानका अनुसार ओमान सरकारको २८ फेब्रअरी २०२२ को निर्णय अनुसार ओमान सरकारद्धारा मान्यता प्राप्त कोभिड १९ विरुद्धका कुनैपनि खोपको दुइवटै मात्रा (जोनसन एण्ड जोनसनको एकमात्रा खोप) लगाएको क्युआर कोडसहितको प्रमाणपत्र भएका यात्रुले पिसीआर नमुना परीक्षण गर्नुनपर्ने भएको हो ।

‘ओमान सरकारबाट मान्यता प्राप्त कोभिड १९ विरुद्धका कुनैपनि खोपको दुइवटै मात्रा (जोनसन एण्ड जोनसनको एकमात्रा खोप) लगाएको क्युआर कोडसहितको प्रमाणपत्र भएका यात्रुहरुले हवाई मार्गबाट ओमान प्रवेश गर्ने प्रायोजनका लागि कोभिड १९ को पिसीआर परीक्षण गर्नु नपर्ने व्यवस्था लागू भएको छ ।’ दूतावासद्धारा जारी विज्ञप्तिमा भनिएको छ ।

दूतावासले ओमान सरकारको यसअघिको निर्णयानुसार ओमानबाट यात्रा गर्ने क्रममा आवस्यक पर्ने यात्रा प्रमाणपत्र बनाउन नपर्ने तथा पिसीआर रिर्पोटलाई ओमानको स्वास्थ्य मन्त्रालयबाट प्रमाणीकरण गर्न समेत आवस्यक नहुने बताएको छ ।

तर ओमानबाट नेपाल फर्किनेहरुले भने ७२ घण्टाको नेगेटिभ भएको पिसीआर परीक्षणको रिर्पोट र कोभिड १९ विरुद्धको पूर्णमात्रा खोप लगाएको प्रमाणपत्र भने कायमै रहेको बताएको छ ।

(याे समाचारमा प्रयाेग गरिएकाे मुल तस्वीर फरक परेकाे कारण हटाइएकाे छः  सं)