Sansar News
काठमाडौं । अब नेपालभित्रै बैंकिङ माध्यमबाट एक ठाउँबाट अर्को ठाउमा विप्रेषणको रुपमा पैसा पठाउँदा २५ हजार भन्दा बढी पठाउन नपाइने भएको छ ।
बैंकले बिहीबार एक सूचना जारी गर्दै राष्ट्र बैंकबाट इजाजत पत्र प्राप्त विप्रेषण कम्पनी तथा उक्त कम्पनीका सब–ऐजेन्ट वा सब–रिप्रिजेन्टेटिभहरुले स्वदेशमा आन्तरिक विप्रेषणको कारोबार गर्दा प्रति व्यक्ति, प्रति कारोबार, प्रतिदिन अधिकतम १ लाख सम्म कारोबार गर्न सकिने व्यवस्था रहेकोमा फागुन १८ गतेदेखि लागूहुने गरी २५ हजार मात्र पठाउन सकिने बताइएको छ ।
त्यसैगरी विदेशबाट नेपालस्थित सम्बन्धीत व्यक्ति वा आफन्त (वेनिफिसियरी) लाई पठाएको रेमिट्यान्स रकम नगदमै भुक्तानी गर्न सकिने सीमा भने पूर्ववत् रुपमा यथावत रहेको सूचनामा उल्लेख छ ।
वि.सं.२०७८ फागुन १९ बिहीवार १६:११ मा प्रकाशित
