Sansar News
काठमाडौं । नेपालमा आज १०५ जना नयाँ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज गरिएको ४ हजार ९२४ नमुना परीक्षणमा १०५ जना कोरोना संक्रमित थपिएका हुन् ।
आज थपिएका १०५ जनासँगै नेपालमा हालसम्म कोरोनाबाट संक्रमित हुनेको संख्या ९ लाख ७७ हजार ४३५ पुगेको छ । ती मध्ये आज निको भएका ३२० जनासँगै हालसम्म निको हुनेको संख्या ९ लाख ५७ हजार ८०८ पुगेको छ ।
पछिल्लो २४ घण्टामा ३ जना कोरोना संक्रमितको मृत्यु भएको छ । यो संगै कोरोनाबाट ज्यान गुमाउनेको संख्या ११ हजार ९४४ पुगेको छ ।
त्यसैगरी नेपालमा हाल ७ हजार ५१७ जना कोरोनाका सक्रिय संक्रमित रहेकामा ७ हजार ३४९ जना होम आइसोलेशन र १६८ जना संस्थागत आइसोलेशनमा रहेका छन् । साथै ६१ जना आइसीयु र ९ जना भेन्टिलेटरमा उपचाररत छन् ।
त्यसैगरी नेपालमा थप १ लाख २४ हजार ७८८ जनाले कोरोनाविरुद्धको खोप लगाएका छन् ।
यो संगै नेपालमा हालसम्म ३ करोड ७३ लाख ९४ हजार ४४८ मात्रा कोरोनाविरुद्धको खोप लगाइएको छ ।
वि.सं.२०७८ फागुन १९ बिहीवार १७:०७ मा प्रकाशित
