हामी सबैकाे संसारन्यूज

२४ फागुन, काठमाडौँ । नेष्डो समृद्ध लघुवित्त वित्तीय संस्था लिमिटेडको आइपीओ बाँडफाँड भएको छ ।

धितोपत्र निष्काशन तथा बिक्री प्रवन्धक ग्लोबल आईएमई क्यापिटलले लक्की ड्र मार्फत उक्त आईपिओ बाँडफाँट गरेको हो । आईपीओमा आवेदन दिने मध्ये ७७ हजार ४ सय ५६ जनाले गोलाप्रथाबाट १०/१० कित्ता शेयर प्राप्त गरेका छन् भने भाग्यमानी ३ जनाले ११ कित्ता सेयर प्राप्त गरेका छन ।

कम्पनीले सर्वसाधारणका लागि फागुन ११ गतेदेखि प्रतिकित्ता रु १०० अङ्कित मूल्यमा रु ८ करोड २८ लाख ७५ हजार मूल्य बराबरको ८ लाख २८ हजार ७५० कित्ता आइपिओ बिक्री खुला गरेको हो । निष्काशन गरिएको कुल शेयरमध्ये ०.५ प्रतिशत अर्थात १२ हजार ७५० कित्ता शेयर कर्मचारीहरुका लागि र ५ प्रतिशत अर्थात ४१ हजार ४३७ कित्ता शेयर सामूहिक लगानी कोषका लागि छुट्याइएको छ भने सर्वसाधारणले बाँकी रहेको ७ लाख ७४ हजार ५६३ कित्ता लागि आवेदन दिएका थिए ।