Sansar News
काठमाडौँ । नेपालको पहिलो बैंक नेपाल बैंक लिमिटेडले आफ्ना ग्राहकका लागि नेपाल वा विदेशमा उच्च शिक्षा हासिल गर्न सहज होस भन्ने हेतुले ‘नेपाल बैंक शैक्षिक कर्जा’ ल्याएको छ ।
‘बैंकले किनकी तपाँईको सपनाले महत्व राख्दछ’ भन्ने नाराका साथ न्यूनतम ६.५० प्रतिशत प्रारम्भिक ब्याजदरमै यो कर्जा उपलब्ध गराउने जनाएको हो ।
यस कर्जा योजनाअन्तर्गत ग्राहकले आफ्नो सुविधाअनुसार स्थिर वा परिवर्तनीय मध्ये कुनै पनि ब्याजदरको विकल्प छनोट गर्न सक्नेछन् । बैंकले सरल प्रक्रिया र सुलभ ब्याजदरमा शैक्षिक कर्जा उपलब्ध गराउने व्यवस्था मिलाएको छ। विद्यार्थीहरूले आफ्नो अध्ययनका लागि लाग्ने कुल ट्युसन शुल्कको १०० प्रतिशतसम्म कर्जा प्राप्त गर्न सक्नेछन् । देशभर रहेका नेपाल बैंकका सम्पूर्ण शाखाहरूबाट यो कर्जा सुविधा सहजै प्राप्त गर्न सकिनेछ।
यो सम्बन्धि थप जानकारीका लागि नजिकैको बैंकको शखाहरुमा गएर बुझ्न सक्नुहुन्छ ।
वि.सं.२०८३ साउन १२ मंगलवार १४:११ मा प्रकाशित
