हामी सबैकाे संसारन्यूज

स्याङ्जा । स्याङ्जाको वालिङ नगरपालिका संस्थागत विकास, सेवा प्रवाह र वित्तीय सुशासनमा लगातार दोस्रोपटक उत्कृष्ट घोषणा भएको छ ।

नेपाल नगरपालिका संघको २९ औं वार्षिकोत्सवका अवसरमा प्रधानमन्त्री शेरबहादुर देउवाले नगर प्रमुख दिलीपप्रताप खाँणलाई उत्कृष्टताको पुरस्कार प्रदान गरेका हुन् ।

नेपाल नगरपालिका संघले विभिन्न सूचकहरुलाई आधार मानेर नगरपालिकाहरुले गरेको कामको मुल्यांकन गरेको छ । संघको मुल्यांकनमा स्याङ्जाको वालिङ नगरपालिकाले आर्थिक वर्ष २०७७/०७८ मा संस्थागत विकास, सेवा प्रवाह र वित्तीय सुशासनका क्षेत्रमा उल्लेख्य कार्य गरेकाले उत्कृष्ट नगरपालिका पुरस्कार २०७८ प्राप्त गरेको हो ।

गत आर्थिक वर्षमा पनि नेपाल नगरपालिका संघको तर्फबाट वालिङ नगरपालिका शहरी योजना, वातावरण, विपद जोखिम ब्यवस्थापन र उत्थानशीलतामा देशकै उत्कृष्ट नगर घोषित भई पुरस्कृत भई पुरस्कार प्राप्त गरेको थियो ।