हामी सबैकाे संसारन्यूज

ओम आचार्य, अर्घाखाँची

घरको मनितो, नगरेर हुने
न निको चलनै, विधिमा छभने
विधि नै उधिनौँ, अलमल् नगरी
भ्रमको सपना, शरमा नधरी ।१।

उपकार बिना, न कुनै छ गति
शुभ कर्म बिना, नहुने प्रगति
सबले मनमा, न जपी नहुने
छ कुरा हितमा, दिन रात गुने ।२।

सुन बातछ त्यो, असली जन हो
जुन साथ छ त्यो, असली पन हो
छ बरोबर त्यो, धरती गरिमा
छ सरोवर त्यो, सृजना भरिमा ।३।

कसले कसरी, कुन स्वार्थ लियो
जसले जसरी, जुन अर्थ दियो
अब त्यो मुटुमा, सुइरो बिझने
छ भने जनले, बलले झिकने ।४।

न बनाउन भो, अब देश बली
न दिनू अब त्यो, हठले स्व चली
मुकदर्शक भै, नढली उठ लौ
जनता मतमा, सतमा जुट लौ ।५।

छन्द ः तोटक
स गण=IIS×४