हामी सबैकाे संसारन्यूज

विजय थापा, अमेरिका । अमेरिकामा एक नेपालीको मृत्यु भएको छ ।

अमेरिकाको टेक्सस राज्यको ड्यालसमा बस्दै आएका कर बिज्ञ तथा सामाजिक अभियन्ता कमल शर्माको निधन भएको हो ।

लामो समयदेखि पित्तनलीको अवुर्द रोगले पीडित रहेका ४१ वर्षीय शर्माको मार्च २२ मंगलबारका दिन स्थानीय समय अनुसार २ः३० मा निधन भएको हो ।

स्व शर्माका साथी एचडिएनपी इन्टरनेसनलका संस्थापक देवी ‘डेविड’ आचार्यले शर्माको मृत्युमा दुःख व्यक्त गर्दै श्रद्धान्जलि व्यक्त गरेका छन् । आचार्यले उनको निधन भिटस हसपाइस युनिटमा भएको जानकारी दिएका छन ।

आचार्यका अनुसार शर्मा एचडिएनपी इन्टरनेसनलसंग आबद्ध रहेका थिए । स्व शर्मा टेक्सस राज्यमा परिवार साथ बस्दै कर सम्बन्धी आफ्नै काम गर्दै आएका अत्यन्त सक्रिय सामाजिक कार्यकर्ता थिए ।

शर्मामा गत बर्ष मे महिना देखि पित्तनलीको समस्या (क्यान्सर) को पहिचान भएको थियो । उनलाई लागेको उक्त रोग दुर्लभ हो । यस्तो प्रकारको रोग प्राय ६० बर्ष माथिका व्यक्तिहरुलाई लाग्ने गर्छ ।

उनि टेक्ससमा आफ्नी पत्नी सरिता शर्मा आचार्य, दुई छोराहरु र एक छोरीका साथ बसोबास गर्दै आएका थिए ।