हामी सबैकाे संसारन्यूज

१० चैत, काठमाडौँ । दक्षिण अफ्रिका विरुद्धको तेस्रो एकदिवसीयमा ९ विकेटले जित हासिल गर्दै बङ्लादेशले ३ खेलको एकदिवसीय श्रृखला २-१ ले आफ्नो नाममा गरेको छ ।

तेस्रो एकदिवसीयमा टस जितेर पहिले ब्याटिङ्ग गरेको दक्षिण अफ्रिकाको टिम ३७ ओभरमा १५४ रन बनाएर अलआउट हुन पुगेको थियो । दक्षिण अफ्रिकाका लागि ब्याटिङ्गमा जन्नेमन मलानले सर्वाधिक ३० रन बनाएका थिए भने बङ्लादेशका लागि बलिङ्गमा तस्किन अहमदले सर्वाधिक ५ विकेट हात पारेका थिए ।

दक्षिण अफ्रिकाले दिएको १५५ रनको सामान्य लक्ष्य बंङ्लादेशले २६.३ ओभरमा १ विकेट गुमाएर पुरा गर्यो । बङ्लादेशको जितमा तमिम इकबालले सर्वाधिक ८७ रनको पारी खेलेका थिए । त्यसैगरी लिटन दासले ४८ र शकिब अल हसनले १८ रनको योगदान दिएका थिए । दक्षिण अफ्रिकाका लागि १ मा विकेट केशव महाराजले हात पारेका थिए ।

बङ्लादेशले दक्षिण आफ्रिका विरुद्धकाे एकदिवसीय आफ्नो नाममा गरेको यो पहिलो पटक हो ।