हामी सबैकाे संसारन्यूज

काठमाडौं । गैरआवासीय नेपाली संघ (एनआरएनए) का पूर्वअध्यक्ष तथा हालका प्रमुख संरक्षक शेष घलेको निर्णयविरुद्ध उनैले गठन गरेको निर्वाचन समितिले गम्भीर आपत्ति जनाएको छ ।

राष्ट्रिय समन्वय परिषद्का अध्यक्षहरुको मार्च ६ तारिख बसेको बैठकले दिएको म्यान्डेट अनुसार प्रमुख संरक्षक घलेले गठन गरेको निर्वाचन समितिमा रहि कामगर्ने क्रममा २३ मार्च दशौं महाधिबेशनका कार्यक्रमकै क्रममा निर्वाचन अधिकृत सहित समितिका अधिकृतहरुले घलेले अमर्यादित व्यवहार गरेको भन्दै गम्भीर आपत्ति प्रकट गरेका छन् ।

प्रमुख संरक्षक घलेसँग निर्वाचन अधिकृतहरुले छलफल गर्न खोज्दा कुनै अनुमति नदिइकन आफ्नो कुरा मात्र लाद्न खोजेको आरोप उनीहरुले लगाएका छन् ।

‘निर्वाचन समितिका अधिकारीहरुलाई जम्मा १३२ जना प्रतिनिधि (मतदाता) हरुको नाम उपलब्ध गराइएकोमा कतिपय नामहरु डुप्लिकेट रहेको पाइयो भने कार्यक्रमस्थलमा सहभागी हुन आएका आधिकारिक प्रतिनिधिहरु पनि समावेश नगरिएको आधिकारिक प्रमाण पाइयो, निर्वाचन समितिका प्रमुख निर्वाचन अधिकृत विश्वनाथ वराल र निर्वाचन अधिकृतहरु अधिवक्ता वासुदेव फुलारा, विमल सुवेदी र पुष्प थापाद्धारा जारी विज्ञप्तिमा भनिएको छ ।

उनीहरुले घलेले विधान विपरित स्वतन्त्र तथा निश्पक्ष निर्वाचनको मान्यता विपरित निर्वाचन गराउन आफुहरुको नैतिकताले नदिने भन्दै निर्वाचन समितिबाट राजिनामा दिएको समेत बताएका छन् ।

‘निर्वाचन समितिको नाममा अब उप्रान्त गरिने कुनै पनि क्रियाकलापप्रति हाम्रो संलग्नता र सहमति नरहने पनि स्पष्ट पार्दछौं । हामीले राजीनामा दिनुपर्ने आधारहरु काननुसम्मत र संस्थाको हकहितको लागि भविष्यमा मार्ग दर्शक बन्ने विश्वास दिएका छौं ।’ विज्ञप्तिमा उल्लेख छ ।

घलेले एकतर्फी निर्वाचन गराएर संस्था विभाजन गरेको भन्दै एनसीसी अध्यक्षहरुको कडा आपत्ति