हामी सबैकाे संसारन्यूज

गोठालो काशिराम
ढकारी १, रिमा, अछाम

१
टाढै बस नजिक आउने, कुरै नगर
यो हातमा हात थमाउने, कुरै नगर
संघर्षमै बितिसक्यो आधा जिन्दगी
भयो तिमी मोहनी लाउने, कुरै नगर

२
धेरै भयो समय खराब आको, पनि
आरोप झेल्नु पर्छ हुँदै नभाको, पनि
यो समाजमा मान्छे कस्ता कस्ता छन
रिस गरिहाल्छन् कमाइ खाको, पनि

३
यी नयनहरु ओभानो, छदै थिएन
दाना पानी मुठी मानो, छदै थिएन
उनी सु–सम्पन्न मान्छेको खोजीमा
मसंग त घरको छानो, छदै थिएन

४
खेतबारी थिएन कुनै सम्पत्ति, थिएन
यो जीविकोपार्जन हुने जति, थिएन
म उहिले बाटै गरिबीको चपेटामा थे
बिरामी बा लाई दिने ओखती, थिएन

५
गर्नुपर्छ बलियो अठोट, सहनु पर्छ
बरु जतिसुकै होस खोट, सहनु पर्छ
जिन्दगीको आकार बदल्नु छ भने
पिटिनु पर्छ हरेक चोट, सहनु पर्छ