Sansar News
रतन पाण्डे ’पारतन’, दार्जिलिङ
१.
पूर्णिमाको जून,
नबन्नु है घुन ।
२.
नठग्नु संसार,
परौला भन्सार ।
३.
हाँसी खेली बाँचौं,
भाइचारा साँचौं ।
४.
पढीलेखी ठूलो बन्नु
जीवनको जग खन्नु ।
५.
गरिब दुःखीको सेवा,
प्रभुलाई दिने पेवा ।
६.
जितेदेखि जिन्दगी मजा,
हारमा त्यसै बन्छ धजा ।
७.
धरती मातालाई सेवा ढोग,
नगर पशुप्राणी यहाँ भोग ।
८.
भाषा साहित्य संस्कृति बचाऔँ,
आफ्नो प्यारो जातिलाई सजाऔँ ।
९.
जनता सुशासन खोइ नेता भन्छन्,
प्रजाको हितकारी ती कहिले बन्छन् ।
१०.
पैसाभन्दा महत्वपूर्ण यहाँ सम्बन्ध हुन्छ,
त्यसैले त मान्छे मर्दा चसक्क यो मन छुन्छ ।
वि.सं.२०७८ चैत १२ शनिवार ०७:०५ मा प्रकाशित
