हामी सबैकाे संसारन्यूज

राधा पाण्डे, गैंडाकोट न.पा.१६, नवलपुर

स्वार्थको गन्ध विना
प्राप्तिको छिटा विना
मानविय सम्बन्धमा,
श्रद्धा बढ्दै जान्छ भने
त्यो हृदयको नाता,
ईश्वरीय उपहार हो

मनभित्रका पत्रपत्र,
एकपटक उक्काएर हेर
त्यहाँ अनुपम प्रेम अंकुरण हुँदैछ
त्यो पुनर्जन्मको साइनोले
तिमीलाई बाँच्न प्रेरणा दिनेछ
त्यो मायाको बैसाखीले,
तिम्रा हरकदममा उर्जा पैदा गर्नेछ

बन्द गरेर दुबै नयन
त्यो पवित्र प्रेम,
मात्र महसुस गर
त्यतिबेला बल्ल तिमीलाई
आफ्नै जीवन प्यारो लाग्नेछ

प्रेमको त्यो श्यामश्वेत रङ्गलाई
आत्मिक दृष्टिले हेर
तिमीले जुन रंङ्गमा चाहान्छौ
प्रेमको त्यही रङ्ग देख्न सक्छौ
मायाको परिभाषा बुझ्न
चर्म चंक्षू कदापि नखोल
जीवनकै रङ्ग फिका हुन सक्छ ।