हामी सबैकाे संसारन्यूज

१३ चैत, काठमाडौँ । २०२२ को आईपिएलमा कोलकत्ता नाईट राइडर्सले विजयी सुरुवात गरेको छ । कोलकत्ताले आफ्नो पहिलो खेलमा चेन्नाई सुपर किंग्सलाई ६ विकेटले पराजित गरेको हो ।

टस हारेर पहिले ब्याटिङ्ग गरेको चेन्नाईले २० ओभरमा ५ विकेट गुमाएर १३१ रन बनाएको थियो । चेन्नाईका लागि ब्याटिङ्गमा महेन्द्र सिंह धोनीले ३८ बलमा ५० रनको विस्फोटक पारी खेलेका थिए भने कोलकत्ताका लागि बलिङ्गमा उमेश यादवले सर्वाधिक २ विकेट हात पारेका थिए ।

चेन्नाईले दिएको १३२ रनको सामान्य लक्ष्य कोलकत्ताले १८.३ ओभरमा ४ विकेट गुमाएर पुरा गर्यो । कोलकत्ताका लागि अजिंक्य राहणले सर्वाधिक ४४ रन बनाएका थिए । चेन्नाईका लागि बलिङ्गमा डुवेन ब्राबोले सर्वाधिक ३ विकेट लिएका थिए ।

जितसँगै कोलकत्ताले पहिलो खेलबाट २ अकं जोडेको छ ।