हामी सबैकाे संसारन्यूज

१४ चैत, काठमाडौँ । २०२२ को आईपिएलको आफ्नो पहिलो खेलमा रोयल च्यालेन्जर्स बेङ्गलोर पंजाब किंग्ससँग ५ विकेटले पराजित भएको छ ।

टस हारेर पहिले ब्याटिङ्ग गरेको बेङ्गलोरले २० ओभरमा २ विकेट गुमाएर २०५ रन बनाएको थियो । बेङ्गलोरका लागि ब्याटिङ्गमा कप्तान फाफ डु प्लेसिसले ५७ बलमा ८८ रनको विस्फोटक पारी खेलेका थिए । त्यसैगरी अनुज रावतले २१, विराट कोहलीले ४१ र दिनेश कार्तिकले ३२ रनको पारी खेलेका थिए । पंजाबका लागि बलिङ्गमा राहुल चाहर र अर्षदिप सिंहले समान १/१ विकेट लिएका थिए ।

बेङ्गलोरले दिएको २०६ रनको विशाल लक्ष्य पंजाबले १९ ओभरमा ५ विकेट गुमाएर पुरा गर्यो । पंजाबका लागि शिखर धवनले सर्वाधिक ४३ रन बनाएका थिए भने बेङ्गलोरका लागि बलिङ्गमा मोहम्मद सिराजले सर्वाधिक २ विकेट लिएका थिए ।

जितसँगै पंजाबले पहिलो खेलबाट २ अकं जोडेको छ ।