Sansar News
काठमाडौं । नेपाली कांग्रेसले स्थानीय तहको निर्वाचनमा चुनावी तालमेल गर्ने निर्णय गरेको छ । मंगलबार सम्पन्न केन्द्रीय कार्य समिति बैठकले चुनावी तालमेल गर्ने सर्वसम्मत निर्णय गरेको वरिष्ठ नेता रामचन्द्र पौडेलले जानकारी दिए ।
चार दिनदेखि चलेको बैठकमा कांग्रेसमा चुनावी तालमेलबारे पक्ष र विपक्षमा बहस भएको थियो । कांग्रेसले अहिलेकै सत्तागठबन्धनका दलहरुसँग तालमेल गर्ने निर्णय गरेको हो ।
नेता पौडेलले जनाएअनुसार बैठकले चुनावी तालमेल स्थानीय आवश्यकता र अवस्थाअनुसार गर्ने निर्णय गरेको छ । तालमेल केन्द्रबाटै भन्दा स्थानीय तहबाट हुने उनले बताए ।
वि.सं.२०७८ चैत १५ मंगलवार १७:४८ मा प्रकाशित
