हामी सबैकाे संसारन्यूज

काठमाडौं । सत्ता साझेदार दलहरुबीच स्थानीय तहको निर्वाचनमा साझेदार दलहरुबीचमै मात्र चुनावी तालमेल गर्ने सहमति भएको छ । बिहीबार प्रधानमन्त्री निवास बालुवाटारमा बसेको सत्ता साझेदार दलहरुको बैठकले यस्तो निर्णय गरेको हो ।

दलहरुले आगामी स्थानीय तहको चुनावमा तालमेल गर्न केन्द्रदेखि स्थानीय तहसम्मै संयन्त्र निर्माण गर्ने सहमति गरेका पनि गरेका छन् । माओवादी केन्द्रका अध्यक्ष पुष्पकमल दाहाल ‘प्रचण्ड’का स्वकीय सचिव रमेश मल्लले जानकारी दिएअनुसार अब केन्द्रदेखि स्थानीय तहसम्म सत्ता साझेदार दलहरुबीच चुनावी तालमेल गर्न संयन्त्र निर्माण गरिनेछ ।

सत्ता साझेदार दलहरुबीच आगामी चुनावमा तालमेल गर्ने वा आ–आफ्नो ढंगले प्रतिस्पर्धा गर्ने भन्ने विषयमा अन्योल रहँदै आएको थियो । सत्ता गठबन्धनको मुख्य दल कांग्रेसभित्र तालमेलको विषयले निकै किचलो पनि निम्त्याएको थियो ।

कांग्रेसको केन्द्रीय कार्यसमिति बैठकले आवश्यकताअनुसार तालमेल गर्ने निर्णय गरेसँगै सत्ता साझेदार दलहरुको बैठक बसेको हो । बिहीबार बसेको बैठकमा सत्ता गठबन्धनबाट बाहिरिएको निर्णय गरेको राष्ट्रिय जनमोर्चा सहभागि थियो ।