Sansar News
नवलपुर । नवलपरासी-बर्दघाट-सुस्तापूर्वको गैँडाकोटमा भारतीय ट्रकले ठक्कर दिदा आज बिहान एक साइकलयात्रीको मृत्यु भएको छ । जिल्लाको गैँडाकोट-८स्थित नगरपालिका कार्यालय अगाडि युपी ९३ बीटी ४७५७ नं को भारतीय ट्रकको ठक्करबाट घाइते भएका पहिचान नखुलेका अन्दाजी ५२ वर्षीय साइकलयात्रीको मृत्यु भएको हो ।
घाइतेको चितवनको भरतपुर अस्पतालमा उपचारका क्रममा मृत्यु भएको गैँडाकोटस्थित इलाका प्रहरी कार्यालयका प्रमुख लक्ष्मी पाण्डे खनालले जानकारी दिइन् । ठक्कर दिने भारतीय ट्रकसहित चालकलाई नियन्त्रणमा लिएर अनुसन्धान अगाडि बढाएको उनले जानकारी दिइन् ।
वि.सं.२०७८ चैत १७ बिहीवार १३:२१ मा प्रकाशित
