Sansar News
काठमाडौं । देशमा गहिरिँदै गएको आर्थिक संकट, विपक्षी दल लगायतका नागरिकहरुको प्रदर्शन तथा मन्त्रीहरुको सामुहिक राजीनामापछि यतिबेला श्रीलंका चरम संकटमा फसेको छ ।
आइतबार राति श्रीलंकाका २६ मन्त्रीले सामुहिक राजीनामा दिएपछि सोमबार बिहान त्यहाँका केन्द्रीय बैंकका गर्भनरले समेत राष्ट्रपति गोटबाया राजापाक्षे समक्ष राजीनामा बुझाएका छन् ।
देशमा गहिरिँदै गएको संकट समाधानका लागि राष्ट्रपति गोटाबायाले विपक्षी दललाई सरकारमा सहभागी हुन अपिल गरेका छन् ।
समाचार एजेन्सीका अनुसार सोमबार बिहान राष्ट्रपति गोटावायाले सबै मिलेर देशको आर्थिक संकट समाधान गर्ने भन्दै संसदमा प्रतिनिधित्व गर्ने सबै राजनीतिक दललाई सरकारमा सहभागी हुन अपिल गरेका हुन् ।
श्रीलंकाका मन्त्रीहरुको राजीनामा लगत्तै गर्भनरले पनि दिए राजीनामा
वि.सं.२०७८ चैत २१ सोमवार १३:१८ मा प्रकाशित
