Sansar News
काठमाडौं । श्रीलंकाका २६ जना मन्त्रीहरुले राजीनामा दिएपछि त्यहाँका केन्द्रीय बैंकका गर्भनरले पनि राजीनामा दिएका छन् ।
सोमबार मन्त्रीहरुको सामुहिक राजीनामापछि गर्भनर अजिथ निर्भाड कबरालले राष्ट्रपति गोटबाया राजापाक्षे समक्ष राजीनामा बुझाएको सामाजिक संजाल ट्विटरमार्फत् जानकारी दिएका छन् ।
आर्थिक संकटबाट गुज्रिरहेको श्रीलंकाका जनता तथा विपक्षी पार्टीले केहीदिनयता आन्दोलन गर्दै सरकारको राजीनामा माग्दै आएका थिए । आइतबार राति श्रीलंकाका राष्ट्रपति गोटबाया राजापाक्षे र प्रधानमन्त्री महिन्दा राजापाक्षे बाहेक २६ जना मन्त्रीले प्रधामन्त्री समक्ष राजीनामा बुझाएका थिए ।
आइतबार २६ मन्त्रीको संयुक्त राजीनामापछि प्रधानमन्त्री महिन्दा राजापाक्षेले विपक्षी दलहरुलाई संयुक्त सरकार बनाउन लागि आव्हान गरेका छन् । उनले बिपक्षी दलका नेताहरुलाई सरकारमा सामेल हुन अनुरोध गर्दै सबै मिलेर आर्थिक संकटको समाधानमा लाग्नुपर्ने बताएका छन् ।
श्रीलंकामा चरम आर्थिक संकट : २६ जना मन्त्रीद्धारा रातारात सामुहिक राजीनामा
वि.सं.२०७८ चैत २१ सोमवार १२:५३ मा प्रकाशित
