Sansar News
काठमाडौं । पछिल्लो २४ घण्टामा २४ कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा गरिएको ५,५८७ नमुना परीक्षणमा २४ जना कोरोना संक्रमित थपिएका हुन् । आज थपिएका २४ जनासँगै नेपालमा हालसम्म कोरोना संक्रमित हुनेको संख्या ९ लाख ७८ हजार ५२८ पुगेको छ ।
त्यसैगरी आज संक्रमणबाट मुक्त भएका ५१ जनासँगै हालसम्म ९ लाख ६५ हजार ७६५ जना संक्रमणबाट मुक्त भइसकेका छन् ।
त्यस्तै नेपालमा हालसम्म कोरोनाबाट ज्यान गुमाउनेको संख्या ११ हजार ९५१ रहेको छ ।
नेपालमा हाल ८१२ जना सक्रिय संक्रमित रहेका छन् । ती मध्ये ७७१ जना होम आइसोलेशन र संस्थागत आइसोलेशनमा ४१ जना रहेका छन् । साथै आइसीयुमा १५ र २ जनाको भेन्टिलेटरमा उपचार भइरहेको छ ।
नेपालमा पछिल्लो २४ घण्टामा १७ हजार ७७५ जनाले कोरोना विरुद्धको खोप लगाएका छन् ।
वि.सं.२०७८ चैत २२ मंगलवार १६:५० मा प्रकाशित
