हामी सबैकाे संसारन्यूज

काठमाडौं । विद्युतीय उपकरणजन्य फोहोर व्यवस्थापन गर्नका हिम इलेक्ट्रोनिक्स प्रालि र डोको रिसाइक्लर्सबीच सम्झौता भएको छ ।

डोको रिसाइक्लर्स फोहोरमैला व्यवस्थापनको दिगो र छरितो समाधानका लागि व्यवसायिक ढाँचामा काम गर्दै आएको कम्पनी हो ।

पुराना विद्युतीय उत्पादनहरु इ–वेस्ट व्यवस्थापनका लागि सहकार्य गर्न हिम इलेक्ट्रोनिक्सले डोको रिसायकलर्ससँग सम्झौता गरेको जनाएको छ ।

सम्झौतामा गोल्छा ग्रुपका भाइस प्रेसिडेन्ट प्रभाकर थापा र डोको रिसाइक्लर्सका तर्फबाट नितेश श्रेष्ठले हस्ताक्षर गरेका छन् । यी दुवै कम्पनीहरु स्मार्ट सस्टेनिबिलिटीमा विश्वास गर्ने भएकाले यो सम्झौता गरेको विज्ञप्तिमा उल्लेख छ । सम्झौतासँगै दुवै कम्पनीको वातावरणमैत्री व्यापारिक अभ्यासको काममा एक कदम अगाडि बढेको बताइएको छ ।