हामी सबैकाे संसारन्यूज

काठमाडौं । चीनमा कोरोना संक्रमितको फेरि अनौठो गरि बढ्न थालेको छ । बुधबार एकै दिन २० हजारभन्दा बढी संक्रमित भेटिएको अन्तराष्ट्रिय सञ्चार माध्यमले जनाएका छन् । बताइएअनुसार बुधबार भेटिएका संक्रमितको संख्या यो महामारीको सुरुवातपछिकै ठूलो संख्या हो ।

कोभिडकै कारण अहिले सांघाइमा लकडाउन घोषणा गरिएको छ । सरकारले शून्य कोभिड नीति अबलम्बन गरिरहेको बताइरहेका बेला संक्रमितको संख्या दिनहुँ बढिरहेको छ । निश्चित क्षेत्रमा लकडाउन, सामूहिक परीक्षण, यात्रामा कडाइजस्ता प्रावधानका कारण मार्चसम्म चीनमा कोभिड नियन्त्रणमा थियो ।

तर, नयाँ भेरियन्ट ओमिक्रोनका कारण संक्रमितको संख्या तीब्र बढिरहेको छ । बुधबार मात्र २० हजार ४७२ जना नयाँ संक्रमित भेटिएको त्यहाँको राष्ट्रिय स्वास्थ्य आयोगले एक विज्ञप्तिमा भनेको छ । अधिकांशमा लक्षण देखिएको छैन् । त्यस्तै, पछिल्लो २४ घन्टामा संक्रमणबाट कसैको मृत्यु नभएको बताइएको छ ।

परीक्षणपछि पोजेटिभ देखिएका मानिसहरूका कारण सांघाइ क्वारेन्टिन केन्द्र भरिएका छन् । संक्रमण नियन्त्रण गर्न स्वास्थ्य अधिकारीहरूले कडाइ गरिरहेका छन् । एजेन्सीबाट