हामी सबैकाे संसारन्यूज

काठमाडौं । सरकारले राष्ट्र बैंकका गर्भनर महाप्रसाद अधिकारीलाई निलम्बन गर्ने निर्णय गरेको छ ।

स्रोतका अनुसार अधिकारीलाई बिहीबारको मन्त्रिपरिषद् बैठकले निलम्बन गर्ने निर्णय गरेको थियो । तर उक्त कुरा गोप्य राखिएको र सुक्रबार बेलुका सार्वजनिक भएको  छ ।

सरकारले गर्भनर अधिकारीलाई पदमुक्त गर्न प्रक्रिया अगाडि बढाउदै जाँचबुझ समिति बनाएपछि उनी स्वतः निलम्बनमा परेको बताइएको छ । अधिकारी निलम्बनमा परेपछि सरकारले डेपुटी गर्भनर निलम ढुंगानालाई कार्यबाहकको जिम्मेवारी दिइएको बताइएको छ ।

अर्थमन्त्री जर्नादन शर्मासँग असमभदारी बढ्दै गएका कारण अधिकारीलाई निलम्बन गरिएको बताइएकोछ ।

शुक्रवार दिउँसो अर्थमन्त्री शर्मासँगै कार्यक्रममा रहेका अधिकारीलाई शुक्रवार बेलुका सरकारले निलम्बन गर्ने निर्णय गरिएको सार्वजनिक भएको हो । अधिकारी २०७६ चैत २४ गते गर्भनरमा नियुक्त भएका थिए ।