Sansar News
सीता शर्मा ’शीत’,गान्तोक, सिक्किम
निर्धो छ जो उसैमा लाठी प्रहार हुन्छ
बोल्ने हुँदैन कोही, हेर्ने बजार हुन्छ,
खोला बहन्छ हरदम, ठक्कर अनेक खाई,
जे जे सहन्छ उसले, देख्ने किनार हुन्छ,
दोषी बन्यो कि भाग्य! कर्मै भयो नजाती
राम्रो म बोल्न खोज्छु, उल्टो प्रचार हुन्छ,
अर्को पुगेको माथि, सक्दैन हेर्न मान्छे,
इर्ष्या गरेर खुट्टा, तान्नै हतार हुन्छ !
उस्तै छ मर्म सबको, एकै हो जात बुझ्दा,
मिल्दै नमिल्ने केवल, हाम्रो विचार हुन्छ,
बहर – मुजारे
सूत्र -२२१ २१२२ २२१ २१२२
सीता शर्मा ’शीत’ को बहरबद्ध गजल संग्रह ‘आँखिझ्याल’ लिइएको
वि.सं.२०७९ वैशाख ३ शनिवार ०७:४४ मा प्रकाशित
