हामी सबैकाे संसारन्यूज

प्रदिप रत्न शाक्य, बौद्ध, काठमाडौं

बिहानी भो
उडान खोज्दैछन्
तिम्रा पखेटाले
म साहस प्रदान गर्दैछु ।

आकास सोचे जस्तो हुन्नन्
स्वतन्त्रता वैरी बनाउंदै ढुकेर बस्न सक्छन्
आँखाले नदेखिने दुष्ट नियतिहरू ।

पिर त यसैमा छ
जिन्दगी भनेर मैदानमा छोड्नलाई
तापनि कठोर बन्दैछु
बुझून् सिकुन् जितून भनी जिन्दगी !

आशिर्वाद छ
रहोस्
यो मेरो कला जस्तै जिन्दगीको
कामना छ
रहोस् यो मेरो सचेतना जस्तै यात्राको
हँसाई रहोस् हर घडी तिमीलाई
म भरोसा भई पछ्याइरहेको आभासमा ।

जिन्दगी संकल्प हुन्
चुनौतीमा
पल दिन प्रहार हुन् लडाईँका
लक्ष्य विजयी बनी रहून् तिमी
हरेक पाइला तिम्रा नमुना बनी रहोस्
हिम्मत बनून् कठैबरा क्षणका !

संस्कृतिका धरोहर हुन्
जिन्दगी
कुशल संस्कारित रहोस् वंशका
जीवन एक जुनीका लागि बाँच्छन्
तर जीवनी शताब्दियौंका लागि हाँस्छन्
स्मरण बन्न सकोस् तिमी
जल थल आकासका अमूल्य दृश्य भई !

बिहानी भो
उडान खोज्दैछन्
तिम्रा पखेटाले
म साहस प्रदान गर्दैछु ।