हामी सबैकाे संसारन्यूज

काठमाडौं । स्थानीय तहको निर्वाचनमा सत्ता साझेदार दलहरुबीच भागवण्डासहित तालमेल गर्ने विषयले कांग्रेसभित्र चरम असन्तुष्टि देखिएको छ । भागगण्डाको विषयप्रति कतिपय स्थानीय तहका नेताहरुले ‘विद्रोह’ गर्नेसमेत चेतावनी दिन थालेका छन् ।

विशेषतः भरपुर र पोखराको विषयमा कांग्रेसभित्र चरम असन्तुष्टि देखिएको छ । सत्ता साझेदार दलहरुबीच भएको प्रारम्भिक सहमतिअनुसार कांग्रेसले भरतपुर र पोखरा छाड्नुपर्ने हुन्छ । सहमतिअनुसार भरतपुरमा माओवादी र पोखरामा एकीकृत समाजवादीले मेयरको उम्मेदवार उठाउनेछन् ।

तर, दुवै महानगर नछाड्न स्थानीय नेताहरुको दबाब छ । कांग्रेसका स्थानीय नेताहरुले अन्य दललाई दिए विद्रोह गर्नेसमेत चेतावनी दिएका छन् ।

विद्रोहको चेतावनी आएपछि देउवाले गण्डकी र चितवनका नेताहरुलाई काठमाडौं बोलाएका हुन् । बताइएअनुसार मेयरमा दाबी गरेका नेतालाई अन्य क्षेत्रमा व्यवस्थापन गर्ने विषयमा पनि छलफल हुनेछ ।