हामी सबैकाे संसारन्यूज

काठमाडौं । आगामी बैशाख ३० गते हुने स्थानीयतहको निर्वाचनका लागि वीरगन्ज महानगरपालिकामा नेकपा एमाले र लोकतान्त्रिक समाजवादी पार्टी (लोसपा)ले चुनावी तालमेल गरेका छन् ।

दुवै पार्टीले बिहीबार एक पत्रकार सम्मेलनको आयोजना गरी वीरगन्ज महानगरपालिकाको प्रमुख पद एमाले र उपप्रमुख पद लोसपाले लिने गरी तालमेल गरेको जानकारी दिएका हुन् ।

एमालेका नेता रघुवीर महासेठ, लोसपाका नेता लक्ष्मणलाल कर्ण लगायतको सहभागीतामा आयोजित उक्त पत्रकार सम्मेलनमा नगर प्रमुख एमाले र उपप्रमुख पद लोसपाले लिने निर्णय गरेको उक्त सम्झौतामा एमालेका पर्सा जिल्ला अध्यक्ष जयप्रकाश थारु र लोसपा जिल्ला अध्यक्ष पुरुषोत्तमलाल झाले हस्ताक्षर गरेका छन् ।