हामी सबैकाे संसारन्यूज

काठमाडौं । नेकपा (एकीकृत समाजवादी)ले पाँच दलीय गठबन्धनबीच तालमेल नभएको ठाउँमा आफ्ना उम्मेदवारलाई अघि सार्न सर्कुलर गरेको भेटिएको छ । एसले गठबन्धनबीच आफ्नो पार्टीलाई एक्ल्याउँदै उम्मेदवारी दिएपछि यस्तो सर्कुलर पठाएको हो ।

नेकपा (एस)का महासचिव बेदुराम भुसालले सोमबार निर्वाचन विशेष सर्कुलर पठाएका थिए । भुसालले विशेष सर्कुलरमा आफ्नो पार्टीलाई नसमेटिएका ठाउँमा अनिवार्य पार्टीको उम्मेदवारलाई खडा गर्न निर्देशन गरिएको छ ।

सर्कुलरमा पाँच दलीय गठबन्धनभित्र तालमेलको सहमति भएका स्थानमा सहमतिअनुसार उम्मेदवारी दिने र तालमेल नभएका स्थानमा आफ्नो पार्टीको उम्मेदावर खडा गर्नुपर्ने उल्लेख छ ।