हामी सबैकाे संसारन्यूज

काठमाडौं । खल्ती डिजिटल वालेट र माछापुच्छ्रे बैंक बीच साझेदारी भएको छ । साझेदारी भएसँगै ‘खल्ती’मा बैंक लिंक गर्ने सेवा उपलब्ध भएको हो ।

सेवा सुचारु भएसँगै ‘खल्ती’सँग पहिलो पटक बैंक लिंकको रुपमा माछापुच्छ्रे बैंक लिंक गर्ने सबै प्रयोगकर्ताहरुले १०० रुपैयाँ बोनस तुरुन्तै प्राप्त गर्ने कम्पनीले जनाएको छ । यसका साथै एक जना भाग्यशाली प्रयोगकर्ताले सामसुङ स्मार्टफोन जित्न सक्ने कम्पनीले जनाएको छ ।

कम्पनीका अनुसार दुवै बोनस र स्मार्टफोन आफ्नो माछापुच्छ्रे बैंक खाता खल्तीमा पहिलो पटक लिंक गर्ने सम्पुर्ण प्रयोगकर्ताका लागि लागु हुनेछ । बैंक लिंक गर्न प्रयोगकर्ताले आफ्नो केवाइसी भने भेरिफाइ गरेको हुनु पर्ने कम्पनीले जनाएको छ ।

एक पटक प्रयोगकर्ताले बैंकलाई लिंक गरेपछि वालेट लोड नगरी केही ट्यापमै पानी, इन्टरनेट, बिजुली, सरकारी राजस्व, टिकट बुकिङ र अन्य उपलब्ध सेवाहरु जस्ता बिलहरुको प्रत्यक्ष भुक्तानी गर्न सकिने कम्पनीले जनाएको छ । यस प्रकारका सेवाहरुले समय बचतका साथै भुक्तानी सहज पनि बनाउँने कम्पनीले जनाएको छ ।

खल्ती डिजिटल वालेटका प्रमुख कार्यकारी निर्देशक विनय खड्काले कम्पनीका प्रयोग कर्ताहरुले अब आफ्ना खल्ती खातमा विना पैसा लोड सिधै बैंक खातामार्फत भुक्तानीको मज्जा लिन सक्ने बताएका छन् । उनले भने, ‘यो सुविधा सबै बैंकका ग्राहकहरुलाई उपलब्ध गराउने साथै थप सहज रुपमा डिजिटल भुक्तानी गर्न प्रोत्साहित गर्ने लक्ष्यका साथ अगाडी बढिरहेका छौँ ।’