Sansar News
काठमाडौं । बैशाख ३० मा हुने स्थानीयतह निर्वाचनका लागि २० हजार भन्दा बढी पर्यवेक्षक खटिने भएका छन् ।
निर्वाचन आयोगका अनुसार निर्वाचनमा पर्यवेक्षणका लागि हालसम्म ६८ वटा संघ÷सस्थाले अनुमति लिएका छन् । ती संस्थाबाट २० हजार पर्यवेक्षक चुनावमा खटिने भएका हुन् ।
आयोगका प्रवक्ता शालिग्राम शर्मा पौडेलका अनुसार पर्यवेक्षणका लागि आवेदन दिएका संस्थाहरुको चेकजाँच गरेर परिचयपत्र दिइने छ ।
त्यस्तै आयोगले पर्यवेक्षकहरूलाई वैशाख १४ गते अभिमुखीकरण तालिम दिनुका साथै कुन पर्यवेक्षक कुन मतदानस्थलको पर्यवेक्षणका लागि जाने भन्ने समेत तोकिने पौडेलले जानकारी दिएका छन् ।
वि.सं.२०७९ वैशाख १३ मंगलवार ०८:२५ मा प्रकाशित
