हामी सबैकाे संसारन्यूज

काठमाडौं । माछापुच्छ्रे बैंकका ग्राहकले ओकीनावा स्कुटर शुन्य प्रतिशत इएमआईमा पाउने भएका छन् । बैंकले विद्युतीय सवारी साधनको प्रयोगलाई प्राथमिकता दिदै आफ्ना ग्राहकको लागि ओकीनावा ब्राण्डको इलेक्ट्रोनिक स्कुटर शुन्य प्रतिशत इएमआईमा पाउने व्यवस्था गरेको हो ।

बैंकले बीएचसी इन्टरनेशनल प्रा.लि.सँग सम्झौतागरी बैंकको इनष्टापे सुविधामार्फत इलेक्ट्रोनिक ओकीनावा स्कुटर शुन्य प्रतिशत इएमआईमा पाउने सम्झौता गरेको जनाएको छ । उक्त सम्झौतापत्रमा बीएचसी प्रा.लि.को तर्फबाट प्रबन्ध निर्देशक हासिम अन्सारी तथा बैंकका तर्फबाट प्रमुख व्यवसाय अधिकृत डिल्ली राम गिरीले हस्ताक्षर गरेका थिए । पेट्रोलियम पदार्थको खपत बढिरहेको र आयात कम भइरहेको अहिलेको अवस्थामा विद्युतीय सवारी साधनको प्रयोगमा जोड दिने उदेश्य एंवम् वातावरण संरक्षणमा टेवा पुर्याउने उदेश्यका साथ बैंकले उक्त सुविधा सञ्चालनमा ल्याएको जनाएको छ ।

बीएचसी इन्टरनेशनल प्रा.लि.सँगको सम्झौता पछि बैंकका ग्राहकहरुले ६ देखि १८ महिना सम्मका लागि शुन्य प्रतिशत इएमआईमा इनष्टापेमार्फत ओकीनावा ब्राण्डको इलेक्ट्रोनिक स्कुटर खरिद गर्न सक्ने बैंकले जनाएको छ । बैंकका ग्राहकहरुले उक्त सुविधा बैंकको क्रेडिट कार्ड तथा इनष्टापेबाट पाउन सक्ने बताइएको छ । साथै बैंकको क्रेडिट कार्ड नभएका ग्राहकहरुले अनलाइनमार्फत कार्डको लागि आवेदन दिन सक्ने बैंकले जनाएको छ । हाललाई यो सुविधा बीएचसी इन्टरनेशनल प्रा.लि.को नेपाल स्थित सबै शोरुममार्फत प्रदान गरिने बैंकले जनाएको छ ।

बैंकले देशभर रहेका विभिन्न संघ संस्था तथा व्यापार व्यवसायसँग व्यवसायिक सम्झौता गरी आफ्ना ग्राहकहरुलाई आर्कषक सुविधा प्रदान गर्दै आएको जनाएको छ । बैंकका अनुसार बैंकले पूर्वमा झापा देखि पश्चिममा कन्चनपुर साथै हिमाल देखि पहाड र तराई गरी सातै प्रदेशमा आफ्ना १६४ बटा शाखाहरु र १६५ शाखारहित बैकिङ्ग सेवा, ८ एक्सटेन्सन काउण्टर समेत गरी जम्मा ३३७ स्थानवाट १३ लाखभन्दा बढि ग्राहकहरुमा सम्पुर्ण बैंकिङ् सुविधा प्रदान गरिरहेको छ । साथै, बैंकको देशभर २०५ बटा एटीएमहरु संचालनमा रहेको छन् ।