हामी सबैकाे संसारन्यूज

काठमाडौं । फोनपे पेमेन्ट सर्भिस लिमिटेडको प्रमुख कार्यकारी अधिकृतमा दिवस सापकोटा नियुक्त भएका छन् । फोनपेको सञ्चालक समितिले बुधबार सापकोटालाई सीईओको रुपमा नियुक्त गरेको हो ।

सापकोटाले फोनपेमा सुरुमा प्रमुख टेक्नोलोजी अफिसरका रुपमा काम सुरु गरेका थिए । सापकोटासँग आईटी क्षेत्रमा १५ वर्ष भन्दा लामो अनुभव रहेको छ । उनको आईटीदेखि व्यवस्थापनमा भएको अनुभव तथा विज्ञताले फोनपेलाई अझ धेरै उचाइमा पुर्याउने विश्वास लिइएको छ ।

फोनपे नेटवर्कमा आवद्ध कुनैपनि बैंक तथा वित्तीय संस्था, भुक्तानी सेवा प्रदायकका मोबाईल एप्सबाट सहजै क्युआर मार्फत भुक्तानी गर्न सकिन्छ । यसका साथै फोनमार्फत अन्तरबैंक फण्ड ट्रान्स्फर, हब पेमेन्ट लगायतका कारोबार गर्न सकिन्छ । फोनपे नेपाल राष्ट्र बैंकबाट अनुमति प्राप्त नेपालको अग्रणी भुक्तानी प्रणाली संचालक हो । हाल फोनपे नेटवर्कमा ६० वटा बैंक तथा वित्तीय संस्था र भुक्तानी सेवा प्रदायक आवद्ध छन् ।