हामी सबैकाे संसारन्यूज

१५ वैशाख, काठमाडौँ । सिवाइसी नेपाल लघुवित्त वित्तीय संस्था लिमिटेडको आइपीओ बाँडफाँड भएको छ ।

धितोपत्र निष्काशन तथा बिक्री प्रवन्धक ग्लोवल आईएमई क्यापिटल लिमिटेडले लक्की ड्र मार्फत उक्त आईपिओ बाँडफाँट गरेको हो । आईपीओमा आवेदन दिने मध्ये ३६ हजार ९ सय ४८ जनाले गोलाप्रथाबाट १०/१० कित्ता शेयर प्राप्त गरेका छन् भने यि मध्ये भाग्यमानी ८ जनाले थप एक/एक कित्ता गरि ११ कित्ता सेयर प्राप्त गरेका छन ।

सिवाईसी नेपाल लघुवित्त वित्तीय संस्था लिमिटेडले वैशाख २ गतेदेखि प्रतिकित्ता रु १०० अङ्कित मूल्यमा रु ३ करोड ९५ लाख ३३ हजार ६०० रुपैयाँ मूल्य बराबरको ३ लाख ९५ हजार ३३६ कित्ता प्रारम्भिक सार्वजनिक निष्कासन (आइपिओ) को बिक्री खुला गरेको थियो । कम्पनीले निष्काशन गरेको साधारण शेयरमा कूल निष्काशनको ५ प्रतिशत अर्थात १९ हजार ७६६ कित्ता सामूहिक लगानी कोषलाई र जारी पुँजीको ०.५ प्रतिशत अर्थात ६ हजार ८२ कित्ता शेयर कर्मचारीलाई सुरक्षित गरी बाँकी रहने ३ लाख ६९ हजार ४८८ कित्ता शेयर खरिदका लागि सर्वसाधारणले आवेदन दिन सक्नेछन ।