हामी सबैकाे संसारन्यूज

१८ वैशाख, काठमाडौँ । मुम्बई इन्डियन्सले २०२२ को आईपिएलमा पहिलो जित हासिल गरेको छ । मुम्बईले राजिस्थान रोयल्सलाई ५ विकेटले पराजित गर्दै आफ्नो पहिलो जित हासिल गरेको हो ।

टस हारेर पहिले ब्याटिङ्ग गरेको राजिस्थानले २० ओभरमा ६ विकेट गुमाएर १५८ रन बनाएको थियो । राजिस्थानका लागि ब्याटिङ्गमा जस बटलरले सर्वाधिक ६७ रन बनाएका थिए भने मुम्बईका लागि बलिङ्गमा ऋतिक सकिन र रिले मेरिडिथले सर्वाधिक २/२ विकेट हात पारेका थिए ।

राजिस्थानले दिएको १५९ रनको लक्ष्य मुम्बईले १९.२ ओभरमा ५ विकेट गुमाएर पुरा गर्यो । मुम्बईका लागि ब्याटिङ्गमा सूर्याकुमार यादवले ३९ बलमा ५१ रनको अर्धसतकीय पारी खेलेका थिए । त्यसैगरी इशान किसनले २६, तिलक वर्माले ३५, टिम डेविडले २० रनको योगदान दिएका थिए ।

जितसँगै मुम्बईले ९ खेलबाट २ अकं जोडेको छ ।