हामी सबैकाे संसारन्यूज

काठमाडौं । आगामी स्थानीय निर्वाचनका लागि सत्तारुढ गठबन्धनभित्र भएको तालमेलमा केही दलले अलोकतान्त्रिक निर्णय गरेको भन्दै जनता समाजवादी पार्टी (जसपा) ललितपुरले गठबन्धनबाट बाहिरीने निर्णय गरेको छ ।

जसपाका ललितपुरका अध्यक्ष जीवन लामा ‘जिमी’ले एक विज्ञप्ति जारी गर्दै गठबन्धनभित्र चुनावी तालमेल गरेर जाने अनुरुप ललितपुरमा त्यस्तो वातावरण नभएको र ठूला दलले अंहकार र एकलौटी गरेका कारण गठबन्धनबाट बाहिरीने निर्णय गरेको बताएका छन् ।

‘ललितपुर जिल्ला र त्यस अन्तर्गतका गठबन्धनका घटकमध्ये नेपाली कांग्रेस र नेकपा माओवादी केन्द्रले गठबन्धनका अन्य घटकसँग कहिँ कतै कुनै किसीमको तालमेल पहल नगरी अहंकार र अलोकतान्त्रिक तरिकाले एकलौटी निर्णय गरेको र केन्द्रीय गठबन्धनको समेत मर्म, भावना विपरित गएको देखिएको हुँदा अब यो जिल्लाको गठबन्धनभित्र जसपा, ललितपुर निर्वाचन क्षेत्र नं १ समन्वय समिति गोदावरी नपा, बागमती, महाङ्गकाल, कोन्ज्योसोम (गापा) बसिरहनु औचित्य समाप्त भएको हुँदा आजको मितिबाट गठबन्धनमा नहरने निर्णय गरियो ।’ अध्यक्ष लामाद्धारा जारी विज्ञप्तिमा भनिएको छ ।