Sansar News
काठमाडौं । अभिनेता भुवन केसी, अभिनेत्री स्वेता खड्का र कलारका रविन्द्र खड्का नेपाली कांग्रेसमा प्रवेश गरेका छन् ।
प्रधानमन्त्री निवास वालुवाटारमा आयोजित एक कार्यक्रममा केसी र खड्काद्धय मंगलबार पार्टी प्रवेश गरेका हुन् । उनीहरुलाई प्रधानमन्त्री शेर बहादुर देउवाले पार्टीमा स्वागत गरेको कांग्रेसका केन्द्रीय सदस्य राजिवजंग बस्नेतले बताएका छन् ।
अभिनेता भुवन केसी यसअघि स्वागत नेपाल नेतृत्वको उन्नत लोकतन्त्र पार्टीबाट काठमाडौं महानगरको मेयर बन्ने हल्ला गरिएपनि अन्तिम समयमा केसीले सबै दलमा सद्भाव राख्ने तर कुनै पनि दलको सदस्य नरहेको बताएका थिए ।
पछिल्लो समय कलाकारहरु विभिन्न पार्टीमा प्रवेश गर्ने क्रम चलिरहेको छ । यसअघि करिष्मा मानन्धर एमालेमा प्रवेश गरेकी थिइ्न भने अभिनेत्री रेखा थापा पनि राप्रपाको चुनाव प्रचार–प्रसारमा सक्रिय भएर लागिरहेकी छन् ।
वि.सं.२०७९ वैशाख २० मंगलवार ११:५८ मा प्रकाशित
