हामी सबैकाे संसारन्यूज

काठमाडौं । वाणिज्य बैंकहरुको निक्षेपमा झिनो सुधार देखिएको छ । वैशाख तेस्रो साताको तुलनामा चौथो सातामा वाणिज्य बैंकहरुको निक्षेप संकलन पाँच अर्बले मात्रै बढेको हो ।

नेपाल बैंकर्स संघका अनुसार वैशाख चौथो सातामा वाणिज्य बैंकहरुको कूल निक्षेप ४३ खर्ब ७३ अर्ब पुगेको छ । वैशाख १६ गतेसम्म ४३ खर्ब ६७ अर्ब रहेको निक्षेप २३ वैशाखसम्म आइपुग्दा पाँच अर्ब बढेर रु ४३ खर्ब ७३ अर्ब पुगेको हो ।

वैशाख यता निरन्तर घटेको निक्षेप पछिल्लो साता केही सुधार देखिएको छ । वैशाख चौथो साता निक्षेपमा सुधार आए पनि कर्जा लगानी भने घटेको छ ।

तेस्रो साता ४१ खर्ब ९३ अर्ब कर्जा लगानी भएकोमा चौथो सातामा ४१ खर्ब ९७ अर्ब बराबर कर्जा लगानी भएको हो ।

गत साताको तुलनामा कर्जा लगानीमा चार अर्बले कमी आएको छ । बैंकहरुले गत फागुन चौथो साता ४३ खर्ब ८९ अर्ब निक्षेप संकलन र ४१ खर्ब ९७ अर्ब कर्जा लगानी गरेका थिए । संघले सार्वजनिक गरेको तथ्यांकअनुसार वाणिज्य बैंकहरुको सीडी रेसियो ९० दशमलब ८१ प्रतिशत पुगेको छ ।