हामी सबैकाे संसारन्यूज

२८ वैशाख, काठमाडौँ । लखनऊ सुपर जायन्ट्सलाई ६२ रनले पराजित गर्दै गुजरात टाइटन्र्स २०२२ को आईपिएलको प्लेअफमा प्रवेश गर्ने पहिलो टिम बनेको छ ।

टस हारेर पहिले ब्याटिङ्ग गरेको गुजरातले २० ओभरमा ४ विकेट गुमाएर १४४ रन बनाएको थियो । गुजरातका लागि शुभमन गिलले सर्वाधिक ६३ रनको पारी खेलेका थिए भने लखनऊका लागि बलिङ्गमा आवेश खानले सर्वाधिक २ विकेट हात पारेका थिए ।

१४५ रनको लक्ष्य पछाएको लखनऊको टिम १३.५ ओभरमा ८२ रन बनाएर अलआउट हुन पुगेको थियो । लखनऊका लागि ब्याटिङ्गमा ३ खेलाडीले मात्र दोहोरो अकंमा रन जोड्न सफल भएका थिए । लखनऊका लागि क्विनटन डि ककले ११, दिपक हुड्डाले २७ र आवेश खानले १२ रन बनाएका थिए । गुजरातका लागि बलिङ्गमा रासिद खानले ३.५ ओभरमा २४ रन खर्चेर सर्वाधिक ४ विकेट हात पारेका थिए ।

गुजरात टाइट्न्सको टिम १२ खेलबाट १८ अकं जोड्र्दै प्लेअफमा प्रवेश गरेको हो ।