हामी सबैकाे संसारन्यूज

काठमाडौं । विद्युतीय भुक्तानी सेवा प्रदायक कम्पनी आइएमई पे र सेञ्चुरी कमर्सिअल बैंकबीच पार्ट्नर बैंक सम्झौता भएको छ । हालै काठमाडौंमा आयोजित एक कार्यक्रमकाबीच सो सम्बन्धी सम्झौतापत्रमा हस्ताक्षर भएको हो ।

सम्झौतापत्रमा आइएमई पेको तर्फबाट कार्यवाहक प्रमुखकार्यकारी अधिकृत आमोद भट्टराई र सि.सि.बि.एल.को तर्फबाट प्रधान व्यापार विकास अधिकारी शंकर के.सिले हस्ताक्षर गरेका छन् । सम्झौताअनुसार डिजिटल सहजताको निम्ति आइएमई पे मोबाईल वालेट एपमा सेञ्चुरी कमर्सिअल बैंकको खाता लिंक गरी बैंकको वित्तीय सुबिधाहरु आइएमई पे एपमा प्रयोग गर्न मिल्ने कम्पनीले प्रष्टाएको छ ।

हालसम्म नेपालको २३ वटा बैंक तथावित्तिय संस्थाहरुसँग सो सम्झौता गरेको आइएमई पेले यस लिंक-अपको विभिन्न फाइदाहरु भएको जनाएको छ । आइएमई पेमा बैंक लिंक गरे पश्चात उपभोक्ताले आफ्नो सुबिधाअनुसार सेञ्चुरी कमर्सिअल बैंकको खातामा आइएमई पे एपबाट निःशुल्क पैसा पठाउन वा सार्न मिल्ने कम्पनीले जनाएको छ ।

कम्पनीका अन्ुसार उपभोक्ताले सिधै आइएमई पेको पिन नं. राखी पैसा पठाउन वा सार्न मिल्ने (बैंक खाताको विवरण नचाहिने) तथा आफ्नो सेञ्चुरी कमर्सिअल बैंकको खाताको ब्यालेन्स आइएमई पे एपमा प्रत्यक्ष हेर्न मिल्ने गरी सिस्टम अध्यावधिक गरिएको छ ।