पौडेल विमुन्स, पोखरा कास्की
निर्दयताको रूप भयङ्कर छनक नपाई
निर्बल अबला यसरी फँस्छिन् बेचिनलाई
बन्दछ प्रेमी बाँड्दछ मायाँ अतुल किसिमको
प्रतिदिन उसले गोप्य तवरले खन्दछ खाई
जीवन चोर्यो हरदम लुक्दै उसले सजिलै
लाज चिहायो डगरडगरमा ढोल बजाई
बोक्दै छ विम्ब सागर जस्तै प्रश्न हियामा
विचलित पार्ने उत्तर देऊ भन्दछ आई
बग्दछ आँखा असफलताको धाप पिएर
दुस्मन हाँस्दै सुखद प्रहरको दिन्छ बधाई
बहर : मीर
अर्कान : २२२ २२२ २२२ २२२
८ र १६ मात्रामा अडान हुनुपर्ने ।
वि.सं.२०७९ जेठ २८ शनिवार ०८:३१ मा प्रकाशित