हामी सबैकाे संसारन्यूज

काठमाडौं । अर्थमन्त्रालयले सोमबार एक राष्ट्रिय दैनिकमा छापिएको समाचारको खण्डन गरेको छ । आइतबारको अन्नपूर्ण पोष्ट दैनिकमा “मध्यराति बजेटमा जब चुकुल लाग्यो …..” शिर्षकमा अर्थ–मन्त्री जनार्दन शर्मा र मन्त्रालयलाई जोडेर प्रकाशित समाचारप्रति मन्त्रालयको गम्भीर ध्यानाकर्षण भएको जनाएको छ ।

मन्त्रालयले गत चैत्र १ गतेदेखि नै औपचारिक रुपमा बजेट तथा कार्यक्रमका बिषयमा क्षेत्रगत छलफल, बिज्ञहरु तथा अन्य सरोकारवाला निकायसंग परामर्श तथा अन्तरक्रिया प्रारम्भ गरेकोजनएको छ ।

मन्त्रालयद्वारा जारी गरिएको विज्ञप्तिमा भनिएको छ, “मन्त्रालयका सहसचिवको नेतृत्वमा बजेट मस्यौंदा समिति गठन गरेको तथा सर्वसाधारणको प्रतिक्रिया, सुझावहरु संकलनका लागि मन्त्रालयमा ११३८ को निस्शुल्क टोल फ्रि नं. व्यवस्थासहित आर्थिक वर्ष २०७९/८० को बजेट सम्वन्धी राय सुझाव संकलन कक्ष समेत स्थापना गरी बजेट निर्माणको कार्यलाई विगत बर्षहरु भन्दा फरक तवरबाट बढी जन–अपनत्व बनाउने गरी माननीय अर्थ–मन्त्रीको नेतृत्वमा मन्त्रालयको सम्पूर्ण टिम औपचारिक रुपमा बजेट लेखन र निर्माणमा निरन्तर खटेको थियो।”

अर्थ– मन्त्रालयले सन्तुलित, तथ्यपूर्ण र विश्वसनीय समाचारका लागि सम्बन्धित पक्षको आधिकारिक भनाई राख्नुपर्ने पत्रकारिताको सामान्य सिद्धान्तलाई समेत विचार नगरी प्रकाशित यस्ता समाचारले समाजमा भ्रम पैदा गर्ने र पत्रकारिताको विश्वसनीयतामा समेत ह्रास आउने उल्लेख गरेको छ।

हेर्नुहोस् मन्त्रालयले जारी गरेको विज्ञप्ति